ശബരിമല സ്വര്‍ണ്ണക്കൊള്ളയില്‍ പ്രതിഷേധിച്ച് KPCC വിചാര്‍ വിഭാഗ് കടുത്തുരുത്തി നിയോജക മണ്ഡലം കമ്മറ്റിയുടെ നേതൃത്വത്തില്‍ മരങ്ങാട്ടുപിള്ളിയില്‍ വിശ്വാസ ദീപം തെളിച്ചു. DCC വൈസ് പ്രസിഡന്റ് ബിജു പുന്നത്താനം ഉദ്ഘാടനം ചെയ്തു. അമ്പലകള്ളന്മാര്‍ നാട് ഭരിക്കുമ്പോള്‍ വിശ്വാസികള്‍ക്ക് മാത്രമല്ല ദൈവങ്ങള്‍ക്കും നിവൃത്തിയില്ലാതാവുകയാണെന്ന് ബിജു പുന്നത്താനം പറഞ്ഞു. മതേതര ക്ഷേത്രമായ ശബരിമലയെ തകര്‍ക്കാന്‍ സര്‍ക്കാരും ബിജെപിയും തമ്മില്‍ രഹസ്യ ധാരണയുണ്ടോ എന്ന് ജനങ്ങള്‍ ചോദിക്കുന്നു. ഓരോ തിരഞ്ഞെടുപ്പ് അടുക്കുമ്പോഴും ശബരിമലയില്‍ വിവാദമുണ്ടാക്കി ബിജെപിയെ വളര്‍ത്താന്‍ സര്‍ക്കാര്‍ ഒത്താശ ചെയ്യുന്നു. സിജെപി. മുന്നണിയുടെ കൂട്ടുകച്ചവടം വിശ്വാസികള്‍ പൊളിച്ചടുക്കുമെന്നും അദ്ദേഹം പറഞ്ഞു.
നിയോജകമണ്ഡലം ചെയര്‍മാന്‍ ജോസ് ജോസഫ് പി അധ്യക്ഷത വഹിച്ചു. യൂത്ത് കോണ്‍ഗ്രസ് ജനറല്‍ സെക്രട്ടറി അഡ്വ. ജോര്‍ജ് പയസ് മുഖ്യപ്രഭാഷണം നടത്തി. കോണ്‍ഗ്രസ് മണ്ഡലം പ്രസിഡന്റ് മാര്‍ട്ടിന്‍ പന്നിക്കോട്ട് വിശ്വാസസംരക്ഷണ ദീപം തെളിച്ചു. Ksrtc ബസ്സില്‍ കുടിവെള്ളം സൂക്ഷിച്ചതിന് ഗതാഗത മന്ത്രിയുടെ നിര്‍ദ്ദേശപ്രകാരം പൊന്‍കുന്നത്തുനിന്ന് പുതുക്കാട് ഡിപ്പോയിലേയ്ക്ക് സ്ഥലം മാറ്റപ്പെട്ട ഡ്രൈവര്‍ ജയ്‌മോന്‍ ജോസഫിനെ ചടങ്ങില്‍ ആദരിച്ചു. ജയ്‌മോന്റെ സ്ഥലം മാറ്റം ഹൈക്കോടതി റദ്ദാക്കിയിരുന്നു. മണ്ഡലം പ്രസിഡന്റ് മാത്യു കുളിരാനി, അഗസ്റ്റിന്‍ കൈമളേട്ട്, സണ്ണി വടക്കേടം, വിചാര്‍ വിഭാഗ് നേതാക്കളായ ടോമി പൂവക്കോട്ട്, സോണി അലക്‌സാണ്ടര്‍, വി.എം മാത്യു, ഷീല ബാബുരാജ്, ആഷിന്‍ അനില്‍ മേലേടം, ഷാജി ആടിമാക്കിയില്‍, അരവിന്ദ് സജി, ജെയിംസ് വെട്ടം, ഗോവിന്ദന്‍, ഷൈന്‍ കൈമളേട്ട്, സിബു മാണി, റോബിന്‍ കരിപ്പാത്ത്, ജോ പൂതക്കാട്ടില്‍, ജോസ് പാറയ്ക്കല്‍, ആരോമല്‍, വിജയന്‍ എം.എസ്, ജോസ് ചെട്ടിയാശ്ശേരില്‍, ജോജോ ജോസ് തുടങ്ങിയവര്‍ നേതൃത്വം നല്‍കി.
.jpg)
0 Comments