മുരിക്കുംപുഴ - കടപ്പാട്ടൂര്‍ റോഡില്‍ കത്തീഡ്രല്‍ പള്ളി ഭാഗത്തെ റോഡ് തകര്‍ന്നു

മുരിക്കുംപുഴ - കടപ്പാട്ടൂര്‍ റോഡില്‍  കത്തീഡ്രല്‍ പള്ളി ഭാഗത്തെ റോഡ് തകര്‍ന്നു. ഈ ഭാഗത്തുകൂടി പോകുന്ന ഓട്ടോറിക്ഷകളുടെയും കാറുകളുടെയും അടിഭാഗം തട്ടി വാഹനത്തിന് കേടുപാടുകള്‍ സംഭവിക്കുന്നത് നിത്യസംഭവമാണ്. റോഡ് പരിചയം ഇല്ലാത്ത ടൂവീലര്‍ യാത്രക്കാര്‍ ഈ ഭാഗത്തെ ഇറക്കം ഇറങ്ങി വരുമ്പോള്‍ വലിയ കട്ടിംഗില്‍ ചാടി വാഹനം മറിഞ്ഞ് അപകടത്തില്‍ പെടുകയാണ്. 

സന്ധ്യാസമയത്തും രാത്രിയിലും ഇതുവഴി പോകുന്ന തദ്ദേശവാസികളും റോഡിലെ വലിയ കട്ടിംഗുകളില്‍ വീണ് പരിക്കേല്‍ക്കുന്ന സ്ഥിതിയാണ്. കാല്‍നടയാത്രക്കാരുടെയും വാഹനയാത്രക്കാരുടെയും സുരക്ഷിതമായ യാത്ര ഉറപ്പാക്കണമെന്നും തകര്‍ന്ന റോഡിന്റെ ശോചനീയാവസ്ഥ എത്രയും വേഗം പരിഹരിക്കണമെന്നും പാലാ പൗരാവകാശ സമിതി ആവശ്യപ്പെട്ടു. പ്രസിഡന്റ് ജോയി കളരിക്കലിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ അഡ്വ. സിറിയക് ജയിംസ്, പി.കെ. ജയ്മോന്‍, റ്റി.കെ. ശശിധരന്‍, എ.സി. മനോജ് എന്നിവര്‍ പ്രസംഗിച്ചു.