നവീകരിച്ച പ്രവിത്താനം അംഗന്‍വാടിയുടെ ഉദ്ഘാടനം നടന്നു

നവീകരിച്ച പ്രവിത്താനം അംഗന്‍വാടിയുടെ  ഉദ്ഘാടനം ജില്ലാ പഞ്ചായത്തംഗം രാജേഷ് വാളിപ്ലാക്കല്‍ നിര്‍വഹിച്ചു. ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍ അനുവദിച്ച 10 ലക്ഷം രൂപ ഉപയോഗിച്ചാണ് അംഗന്‍വാടി നവീകരിച്ചത്. 

നിലവിലുള്ള അംഗന്‍വാടിയുടെ മുകള്‍ നിലയില്‍ ഹാളും താഴെ  വരാന്തയും ചുറ്റുമതിലുമാണ് പുതുതായി നിര്‍മ്മിച്ചിരിക്കുന്നത്. രണ്ടര വര്‍ഷം മുമ്പാണ് ജില്ലാ പഞ്ചായത്ത്, തൊഴിലുറപ്പ് പദ്ധതി, പഞ്ചായത്ത്, സാമൂഹ്യനീതി വകുപ്പ് എന്നിവരുടെ ഫണ്ട് ഉപയോഗിച്ച് പുതിയ അംഗന്‍വാടി കെട്ടിടം നിര്‍മ്മിച്ചത്.  പഞ്ചായത്ത് പ്രസിഡന്റ് ബീന ടോമി അധ്യക്ഷത വഹിച്ചു. പഞ്ചായത്ത് മെമ്പര്‍മാരായ ലിന്‍സി സണ്ണി, സുധാ ഷാജി, ബേബി തറപ്പേല്‍, സുധന്‍ കിഴക്കേടത്ത് കരോട്ട്, സി.ഡി ദേവസ്യ ചെറിയ മാക്കല്‍,  മാത്യു തറപ്പേല്‍, ഗോപി മണക്കാട്ട്, ജെമിനി കൂടമറ്റത്തില്‍, റോമി തറപ്പേല്‍, എ.റ്റി. ജോസഫ്, ജിമ്മിച്ചന്‍ ചന്ദ്രന്‍ കുന്നേല്‍, സിന്ധു അമ്പാറ കുന്നേല്‍ തുടങ്ങിയവര്‍ പ്രസംഗിച്ചു.