വിശുദ്ധ യൂദാശ്ലീഹായുടെ നൊവേന തിരുനാളിന് ഒക്ടോബര്‍ 19 ഞായറാഴ്ച കൊടിയേറും.

പ്രസിദ്ധ തീര്‍ത്ഥാടന കേന്ദ്രമായ പാലാ കിഴതടിയൂര്‍ പള്ളിയില്‍ വിശുദ്ധ യൂദാശ്ലീഹായുടെ നൊവേന തിരുനാളിന് ഒക്ടോബര്‍ 19 ഞായറാഴ്ച കൊടിയേറും. ഒക്ടോബര്‍ 28 നാണ് പ്രധാന തിരുനാള്‍. 19 ന് രാവിലെ 9.45ന് റവ.ഡോ.ജോസ് കാക്കല്ലില്‍ കൊടിയേറ്റ് നിര്‍വഹിക്കും.  തുടര്‍ന്ന് വിശുദ്ധ കുര്‍ബാന നടക്കും.19 മുതല്‍ എല്ലാ തിരുനാള്‍ ദിനങ്ങളിലും പുലര്‍ച്ചെ 5.30, രാവിലെ ഏഴ്, 10, 12, ഉച്ചകഴിഞ്ഞ് മൂന്ന്, അഞ്ച്, രാത്രി ഏഴ് എന്നീ സമയങ്ങളില്‍ വിശുദ്ധ കുര്‍ബാനയും നൊവേനയും ഉണ്ടായിരിക്കും. 

വൈകുന്നേരം 6.30ന് ദേവാലയത്തില്‍ ജപമാലയും നടക്കും. ഒക്ടോബര്‍ 26 ന് രാവിലെ 9.30 ന് തിരുസ്വരൂപ പ്രതിഷ്ഠ- മാര്‍ ജോസഫ് കല്ലറങ്ങാട്ട് നിര്‍വഹിക്കും. 27ന് വൈകുന്നേരം 4.30ന് പ്രസുദേന്തി സമര്‍പ്പണം, 6.30ന് ജപമാല പ്രദക്ഷിണം എന്നിവ നടക്കും. പ്രധാന തിരുനാള്‍ ദിനമായ 28 ന് പുലര്‍ച്ചെ 5.15ന് നെയ്യപ്പ നേര്‍ച്ച  നടക്കും. 10 ന്  മാര്‍ ജോസഫ് കല്ലറങ്ങാട്ട് വിശുദ്ധ കുര്‍ബ്ബാന അര്‍പ്പിച്ച് സന്ദേശം നല്‍കും. ഉച്ചക്ക് 12 ന് ആയിരങ്ങള്‍ പങ്കെടുക്കുന്ന തിരുനാള്‍ പ്രദക്ഷിണവും നടക്കും. വികാരി ഫാ. തോമസ് പുന്നത്താനത്ത്, ഫാ. മാത്യു വെണ്ണായപ്പിള്ളില്‍, ഫാ. സെബാസ്റ്റ്യന്‍ ആലപ്പാട്ടുകുന്നേല്‍, കൈക്കാരന്മാരായ പ്രഫ.കെ.കെ. ടോമി കട്ടുപ്പാറയില്‍, പ്രഫ. കെ.സി. ജോസഫ് കൂനംകുന്നേല്‍, ജോജി ജോര്‍ജ് പൊന്നാടംവാക്കല്‍, ടോമി സെബാസ്റ്റ്യന്‍ ഞാവള്ളിമംഗലത്തില്‍, കണ്‍വീനര്‍മാരായ സോജന്‍ കല്ലറക്കല്‍, പ്രഫ. ജോസഫ് മറ്റം, പോളച്ചന്‍ പകലോമറ്റം, ജിബിന്‍ ബേബി മൂഴിപ്ലാക്കല്‍ എന്നിവര്‍ നേതൃത്വം നല്‍കും. തിരുനാളാഘോഷത്തിനുള്ള ഒരുക്കങ്ങള്‍ പൂര്‍ത്തിയായതായി പള്ളി വികാരി ഫാദര്‍ തോമസ് പുന്നത്താനത്ത്, കൈക്കാരന്മാര്‍, ആഘോഷ കമ്മറ്റി ഭാരവാഹികള്‍ എന്നിവര്‍ വാര്‍ത്താ സമ്മേളനത്തില്‍ അറിയിച്ചു.