കേരള വ്യാപാരി വ്യവസായി ഏകോപന സമിതി പാലാ, യൂത്ത് വിംഗ് സംഘടിപ്പിക്കുന്ന 'പാലാ ഫുഡ് ഫെസ്റ്റ്-2025' ന് ഡിസംബര് 5-ന് പാലായില് തുടക്കമാകുമെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു. പാലാ ജൂബിലി തിരുനാളിനോടനുബന്ധിച്ചാണ് ഈ മേള സംഘടിപ്പിക്കുന്നത്. ഡിസംബര് 5 മുതല് 8 വരെ, പുഴക്കര മൈതാനത്താണ് രുചിയുടെയും കലയുടെയും ഈ മഹോത്സവം അരങ്ങേറുക. ഡിസംബര് 5ന് വൈകിട്ട് അഞ്ചുമണിക്ക് ജോസ് ഗ മാണി എംപി ഉദ്ഘാടനം നിര്വഹിക്കും. പാലാ MLA മാണി സി കാപ്പന് മുഖ്യാതിഥിയായി പങ്കെടുക്കും. കേരളീയ, ഇന്ത്യന്, ചൈനീസ്, അറബിക്, കോണ്ടിനെന്റല് ഉള്പ്പെടെയുള്ള ലോകോത്തര വിഭവങ്ങള്, ഫുഡ് സ്റ്റാളുകളില് ലഭ്യമാകും. വൈവിധ്യമാര്ന്ന മധുരപലഹാരങ്ങളും വീട്ടിലുണ്ടാക്കിയ രുചിക്കൂട്ടുകളും ഈ വിഭാഗത്തില് ലഭ്യമാകും.
0 Comments