പാലാ നിയോജക മണ്ഡലത്തില് പൊതുമരാമത്ത് വകുപ്പ് നടപ്പിലാക്കുന്ന വിവിധ പ്രവര്ത്തനങ്ങളുടെ അവലോകനയോഗം അരുണാപുരം പിഡബ്ല്യുഡി റെസ്റ്റ് ഹൗസില് നടന്നു.മാണി സി കാപ്പന് എംഎല്എയുടെ അധ്യക്ഷതയില് ചേര്ന്ന യോഗത്തില് പൊതുജനങ്ങളില് നിന്ന് ലഭിച്ച പരാതികളും നിര്ദ്ദേശങ്ങളും ചര്ച്ച ചെയ്തു. പരാതികള്ക്ക് പരിഹാരം കാണുവാന് ബന്ധപ്പെട്ട ഉദ്യോഗസ്ഥര്ക്ക് നിര്ദ്ദേശം നല്കി. മുന് അവലോകനയോഗത്തിന്റെ തീരുമാനങ്ങള് യോഗത്തില് വിലയിരുത്തി. പാലാ മൂന്നാനി കോടതി പടിയില് ഉണ്ടാകുന്ന നിരന്തര അപകടങ്ങള്ക്ക് പരിഹാരമായി റോഡില് വേഗത നിയന്ത്രിക്കുന്നതിനായി റബ്ബര് സ്ട്രിപ്പര് സ്ഥാപിക്കുന്നതിന് നിര്ദ്ദേശം നല്കി.
0 Comments