സഹകരണ വകുപ്പിന്റെ നേതൃത്വത്തില് വിഷന് 2031 ഏകദിന സെമിനാര് ഒക്ടോബര് 28 ചൊവ്വാഴ്ച ഏറ്റുമാനൂര് ഗ്രാന്റ് അരീന കണ്വെന്ഷന് സെന്ററില് നടക്കും. കേരള സംസ്ഥാനം രൂപീകരിക്കപ്പെട്ടിട്ട് 75 വര്ഷം തികയുന്ന 2031 ല് കേരളത്തിന്റെ വികസന മുന്നേറ്റത്തിനുള്ള ആശയ സമാഹരണം ലക്ഷ്യമിട്ടാണ് സെമിനാര് സംഘടിപ്പിക്കുന്നത്. സഹകരണ വകുപ്പ്-നേട്ടങ്ങളും ഭാവി വികസന ലക്ഷ്യങ്ങളും എന്ന വിഷയത്തെക്കുറിച്ച് സെമിനാറില് ചര്ച്ചകള് നടക്കും. രാവിലെ 9.30 ന് സഹകരണം-തുറമുഖം- ദേവസ്വം വകുപ്പ് മന്ത്രി വി.എന്. വാസവന് സെമിനാര് ഉദ്ഘാടനം ചെയ്യും. സര്ക്കാര് ചീഫ് വിപ്പ് ഡോ. എന്. ജയരാജ് അധ്യക്ഷത വഹിക്കും. കഴിഞ്ഞ പത്തു വര്ഷം സഹകരണ വകുപ്പ് കൈവരിച്ച നേട്ടങ്ങള് സഹകരണ വകുപ്പ് സ്പെഷ്യല് സെക്രട്ടറി വീണ എന്. മാധവന് അവതരിപ്പിക്കും.
0 Comments