അധ്യാപകരും വിദ്യാര്‍ത്ഥികളും ഫയര്‍ ആന്‍ഡ് റെസ്‌ക്യൂ സര്‍വീസ് സ്റ്റേഷന്‍ സന്ദര്‍ശിച്ചു.

കൊച്ചുകൊട്ടാരം സ്‌കൂളിലെ അധ്യാപകരും വിദ്യാര്‍ത്ഥികളും  ഫയര്‍ ആന്‍ഡ് റെസ്‌ക്യൂ സര്‍വീസ് സ്റ്റേഷന്‍ സന്ദര്‍ശിച്ചു. ഫയര്‍ സ്റ്റേഷനിലെ കാഴ്ചകളും പ്രവര്‍ത്തനങ്ങളും കുട്ടികള്‍ക്ക് കൗതുകമായി. ഫയര്‍ഫോഴ്‌സ് ഉദ്യോഗസ്ഥന്‍ നവനീത് കൃഷ്ണന്‍ കുട്ടികളുമായി സംവദിക്കുകയും സുരക്ഷാ മുന്‍കരുതലുകളെക്കുറിച്ച് ക്ലാസെടുക്കുകയും ചെയ്തു. 

തീപിടിത്തമുണ്ടായാല്‍ ചെയ്യേണ്ട കാര്യങ്ങള്‍, പ്രാഥമിക രക്ഷാപ്രവര്‍ത്തനങ്ങള്‍ എന്നിവയെക്കുറിച്ച് അദ്ദേഹം വിശദീകരിച്ചു. ഫയര്‍ഫോഴ്‌സ് ഓഫീസിലെ പ്രധാനപ്പെട്ട ഉപകരണങ്ങളും വാഹനങ്ങളും പരിചയപ്പെടുത്തി. രക്ഷാപ്രവര്‍ത്തനത്തിനായി ഉപയോഗിക്കുന്ന നൂതന സംവിധാനങ്ങള്‍ കുട്ടികളുടെ ശ്രദ്ധയാകര്‍ഷിച്ചു. ക്ലാസ് മുറിക്കുള്ളിലെ പഠനത്തിനപ്പുറം അറിവും, വിനോദവും പകരുക എന്ന ലക്ഷ്യത്തോടെയാണ്  യാത്രകള്‍ സംഘടിപ്പിക്കുന്നത്.