വിശുദ്ധ മിഖായേല്‍ റെശ് മാലാഖയുടെയും വിശുദ്ധ ആഗസ്തിനോസിന്റെയും തിരുനാള്‍

പ്രവിത്താനം സെന്റ് അഗസ്റ്റിന്‍സ് ഫൊറോന ദേവാലയത്തില്‍ വിശുദ്ധ മിഖായേല്‍ റെശ് മാലാഖയുടെയും വിശുദ്ധ ആഗസ്തിനോസിന്റെയും തിരുനാള്‍ നവംബര്‍ 14 മുതല്‍ 17 വരെ നടക്കും.  പ്രധാന തിരുനാള്‍ ദിവസം വിശുദ്ധന്റെ രൂപം പ്രധാന ദേവാലയത്തില്‍നിന്നും വിശുദ്ധ മിഖായേലിന്റെ പള്ളിയില്‍ പ്രതിഷ്ഠിക്കുകയും തിരുന്നാളിന്റെ അവസാനം തിരികെ പ്രധാന ദേവാലയത്തില്‍ സ്ഥാപിക്കുകയും ചെയ്യും.  വിശുദ്ധന്റെ തിരുന്നാളിന് നേതൃത്വം നല്‍കുന്നത് ഓരോ വര്‍ഷവും തെരഞ്ഞെടുക്കപെടുന്ന 18 അംഗങ്ങള്‍ ചേര്‍ന്നാണ്. നവംബര്‍ 14 വൈകീട്ട് 4.30 ന്  തിരുനാള്‍ കൊടിയേറ്റ് നടക്കും. ആഘോഷമായ വി. കുര്‍ബാനയ്ക്ക് പാലാ രൂപത  ചാന്‍സലര്‍ റവ. ഫാദര്‍ ജോസഫ് കുറ്റിയാങ്കല്‍ മുഖ്യകാര്‍മ്മികത്വം വഹിക്കും. നവംബര്‍ 15 ശനിയാഴ്ച രാവിലെ 6.15 ന് പ്രസുദേന്തി വാഴ്ചയും, 6.30 ന് ആഘോഷമായ വി. കുര്‍ബാനയും നടക്കും. 3 ന് ചെണ്ടമേളം, ബാന്റ് മേളം എന്നിവയും റവ.ഫാ.മാത്യു കദളിക്കാട്ടിലിന്റ മുഖ്യകാര്‍മ്മികത്വത്തില്‍ വിശുദ്ധ കുര്‍ബ്ബാനയും നടക്കും. 5.15ന് പ്രദക്ഷിണം ആരംഭിക്കും. പ്രവിത്താനം ടൗണ്‍ തിരുഹ്യദയ കപ്പേളയില്‍ നിന്നും ചെറുപുഷ്പം കപ്പേളയില്‍ നിന്നും ആരംഭിക്കുന്ന പ്രദിക്ഷണങ്ങള്‍ 6.15 ന് ഹയര്‍ സെക്കന്‍ഡറി സ്‌കൂള്‍ ജംഗ്ഷനില്‍ സംഗമിക്കും. 

 തുടര്‍ന്ന് 6.45ന് വേസ്പര റവ. ഫാദര്‍  ജോസ് കുഴിഞ്ഞാലില്‍  തുടര്‍ന്ന്  പള്ളിക്ക് ചുറ്റും പ്രദക്ഷിണം, 8.15 ന് കപ്ലോന്‍ വാഴ്ച എന്നിവ നടക്കും.  നവംബര്‍ 16 ഞായറാഴ്ച്ച പ്രധാന തിരുനാള്‍ ദിനത്തില്‍ രാവില 5.30 നും, 7 നും ആഘോഷമായ വിശുദ്ധ കുര്‍ബാന നടക്കും..രാവിലെ 8.30 ന് ചെണ്ടമേളം -ബാന്റ്‌മേളം, 9.30ന് ആഘോഷമായ തിരുനാള്‍ റാസ കുര്‍ബാനയ്ക്ക് റവ. ഫാ.സ്‌കറിയ മലമാക്കല്‍ റവ.ഫാ.കുര്യാക്കോസ് വട്ടമുകളേല്‍,റവ.ഫാ.ജോസഫ് പുരയിടത്തില്‍, റവ.ഫാ.ആശീഷ് കീരന്‍ചിറ തുടങ്ങിയവര്‍ കാര്‍മികത്വം വഹിക്കും.  റവ.ഫാ.ജോര്‍ജ് പുല്ലുകാലായില്‍ തിരുനാള്‍ സന്ദേശം നല്‍കും.  12 ന് പ്രദക്ഷിണം  ആരംഭിക്കും. വൈകീട്ട് 5ന് ആഘോഷമായ വിശുദ്ധ കുര്‍ബാനയ്ക്ക് റവ.ഫാ.തോമസ് വടക്കേകുന്നേല്‍ മുഖ്യ കാര്‍മ്മികനായിരിക്കും.  6.30 ന് പാലാ കമ്യൂണിക്കേഷന്‍ അവതരിപ്പിക്കുന്ന ഗാനമേളയില്‍  പിന്നണി ഗായിക ദുര്‍ഗ്ഗാ വിശ്വനാഥ് പങ്കെടുക്കുന്നു. നവംബര്‍ 17  രാവിലെ 6 ന് പരേതരായ ഇടവകാംഗങ്ങള്‍ക്കു വേണ്ടിയുള്ള വി. കുര്‍ബാന  ഒപ്പീസ് റവ.ഫാ. ജോര്‍ജ് വേളൂപറമ്പിലിന്റെ കാര്‍മ്മിക്യത്തില്‍ നടക്കും.പ്രധാന തിരുനാള്‍ കര്‍മ്മങ്ങള്‍ക്ക്  വികാരിറവ.ഫാ. ജോര്‍ജ് വേളൂപറമ്പില്‍, സഹവികാരിറവ.ഫാ.ആന്റു കൊല്ലിയില്‍ കൈക്കാരന്‍മ്മാരായ ജോണി പൈക്കാട്ട്, ജിമ്മി ചന്ദ്രന്‍കുന്നേല്‍,മാത്യു പുതിയിടം , ജോഫ് വെള്ളിയേപ്പള്ളില്‍ എന്നിവര്‍  നേതൃത്വം നല്‍കും. വാര്‍ത്താ സമ്മേളനത്തില്‍ പ്രസുദേന്തിമാരായ സജി എസ് തെക്കേല്‍,ബാലു മണിയംമാക്കല്‍, തോമസ് ചെറിയംമാക്കല്‍ മാത്യു  അരീയ്ക്കല്‍ എന്നിവര്‍ പങ്കെടുത്തു.