ആചാരലംഘനം നടത്തിയാണ് ശബരിമലയില്‍ കതക് കട്ടിളകളിലെ സ്വര്‍ണ്ണപ്പാളി ഇളക്കികടത്തിയതെന്ന് NSS കരയോഗം പ്രസിഡന്റും മുന്‍ പഞ്ചായത്ത് പ്രസിഡന്റുമായ പ്രസാദ് കൊണ്ടൂപ്പറമ്പില്‍ പറഞ്ഞു. ശബരിമലയില്‍ അയ്യപ്പസ്വാമിയുടെടെ ഹിതം എന്താണെന്ന് ദേവപ്രശ്‌നം നടത്തി തിരക്കാതെയാണ് ഇപ്പോള്‍
ശ്രീകോവിലില്‍ നിന്നും കതക് കട്ടിളപ്പാളികള്‍ ഇളക്കി എടുത്തതും സന്നിധാനം വിട്ട് പുറത്ത് കൊണ്ടുപോയതും. ഇത് ആചാരലംഘനമാണ്. സന്നിധാനത്തും ശ്രീകോവിലിലും ജോലികള്‍ ചെയ്യേണ്ടത് ദേവപ്രശ്‌നം വെച്ച് ഭഗവാന്റെ ഇംഗിതമറിഞ്ഞു വേണം. തന്ത്രിക്ക് താന്ത്രിക വിധി നടപ്പിലാക്കുവാനുള്ള ചുമതലയാണുള്ളത്. ക്ഷേത്രത്തിന്റെ എല്ലാ സ്വത്തുക്കളും സംരക്ഷിച്ച് ഐശ്വര്യമായി നിലനിര്‍ത്തേണ്ടത് ദേവസ്വം ബോര്‍ഡ് പ്രസിഡന്റിന്റേയും മറ്റ് അംഗങ്ങളുടെയും ചുമതലയാണ്. ക്ഷേത്രവും സ്വത്തുവകകളും സംരക്ഷിച്ച് നിലനിര്‍ത്തേണ്ട ബോര്‍ഡും ഗവണ്‍മെന്റും ഇപ്പോള്‍ ധൂര്‍ത്തടിക്കുന്നതിനായി ക്ഷേത്ര ധനം വകമാറ്റി കടത്തിക്കൊണ്ടു പോകുന്നതിനുദാഹരണമാണ്. 3 കോടി ചെലവില്‍ അയ്യപ്പ സംഗമം നടത്തിയത്. ക്ഷേത്ര ആചാരങ്ങളും അനുഷ്ഠാനങ്ങളും നിരന്തരം പരിപാലിച്ച് മുന്നോട്ടു പോകുവാനും ക്ഷേത്രവും സ്വത്തുക്കളും സംരക്ഷിച്ച് നിലര്‍ത്തുന്ന നടപടികളും സ്വീകരിക്കണമെന്ന് പ്രസാദ് കൊണ്ടൂപ്പറമ്പില്‍ ആവശ്യപ്പെട്ടു.
.jpg)
0 Comments