തനിക്ക് ആരും വോട്ട് ചെയ്യരുത് എന്ന അഭ്യര്‍ത്ഥനയുമായി സജീവന്‍ പാപ്പിനിശ്ശേരിയില്‍

തനിക്ക് ആരും വോട്ട് ചെയ്യരുത് എന്ന അഭ്യര്‍ത്ഥനയുമായി ഫ്‌ളക്‌സ് ബോര്‍ഡ് സ്ഥാപിച്ചു പ്രചരണം നടത്തുന്ന സ്ഥാനാര്‍ത്ഥി തദ്ദേശതെരഞ്ഞടുപ്പു രംഗത്ത് വേറിട്ട കാഴ്ചയാവുകയാണ്. കാണക്കാരി പഞ്ചായത്തിലെ പതിമൂന്നാം വാര്‍ഡിലാണ്  സജീവന്‍ പാപ്പിനിശ്ശേരിയില്‍ എന്ന സ്ഥാനാര്‍ത്ഥി  തനിക്ക് വോട്ടു ചെയ്യരുത് എന്ന അഭ്യര്‍ത്ഥനയുമായി  മത്സര രംഗത്ത് എത്തിയിരിക്കുന്നത്. 

മലയാളിയുടെ തനത് സ്വഭാവമാണ് ചെയ്യരുത് എന്ന് പറയുന്ന കാര്യം ചെയ്യുന്ന ശീലമെന്ന് സജീവന്‍ പറയുന്നു. മാലിന്യം നിക്ഷേപിക്കരുത് എന്ന് പറഞ്ഞാല്‍ അവിടെ മാലിന്യം നിക്ഷേപിക്കുന്ന സ്വഭാവത്തില്‍ നിന്നാണ് ഈ പുതിയ ആശയം ഉണ്ടായത് എന്നും  ഇദ്ദേഹം പറയുന്നു. അതുകൊണ്ടുതന്നെ തനിക്ക്  ഭൂരിപക്ഷം ലഭിക്കുന്ന വിശ്വാസവും  സജീവനുണ്ട്. ക്രിക്കറ്റ് ബാറ്റ് ചിഹ്നവും വോട്ടു ചെയ്യരുത് എന്ന അഭ്യര്‍ത്ഥനയുമായുള്ള  സജീവന്റെ പ്രചരണ തന്ത്രംകൗതുകമാവുകയാണ്.