വിവിധ അവാര്‍ഡുകളുടെ സമര്‍പ്പണം നടന്നു

കുറിച്ചിത്താനം  PSPM ലൈബ്രറി നല്‍കുന്ന വിവിധ അവാര്‍ഡുകളുടെ സമര്‍പ്പണം നടന്നു. ലൈബ്രറിസ്ഥാപകനും  അധ്യാപകനും സാഹിത്യകാരനുമായ P ശിവരാമപിള്ളയുടെയും ലൈബ്രറിയുടെ ആദ്യകാല പ്രവര്‍ത്തകനും കവിയുമായ PK  പ്രദ്യുമ്‌നന്‍ നായരുടെയും സ്മരണയ്ക്കായി  ഏപ്പെടുത്തിയ പുരസ്‌കാരങ്ങളുടെ സമര്‍പ്പണമാണ് നടന്നത്. താലൂക്ക് ലൈബ്രറി കൗണ്‍സില്‍ സെക്രട്ടറി റോയി ഫ്രാന്‍സിസ് സമ്മേളനം ഉദ്ഘാടനം ചെയ്തു. ഗ്രന്ഥശാല പ്രസിഡന്റ് ജോസഫ് ജോസഫ് അധ്യക്ഷനായിരുന്നു.  അനിയന്‍ തലയാറ്റും പിള്ളി അനുസ്മരണ പ്രഭാഷണം നടത്തി. VS ചന്ദ്രമ്മ പുസ്തക വിശകലനം നിര്‍വ്വഹിച്ചു. സെക്രട്ടറി MK രാജന്‍ സ്വാഗതമാശംസിച്ചു. 

 2025 ലെ മികച്ച ബാല സാഹിത്യകൃതിക്കുള്ള പിശിവരാമപിള്ള പുരസ്‌കാരം സാഹിത്യകാരന്‍ നൈന മണ്ണഞ്ചേരിക്ക് സമര്‍പ്പിച്ചു. ലൈബ്രറി കൗണ്‍സില്‍ സംസ്ഥാന കമ്മറ്റിയംഗം ജോണ്‍സണ്‍ പുളിക്കീല്‍ പുരസ്‌കാര സമര്‍പ്പണം നിര്‍വ്വഹിച്ചു.  PK പ്രദ്യുമ്‌നന്‍ നായരുടെ സ്മരണയ്ക്കായി  മികച്ച വായനക്കാരന് നല്‍കുന്ന പുരസ്‌കാരം  ജോയി എബ്രറാം ഇടത്തനാലിന് മീനച്ചില്‍ താലൂക്ക് ലൈബ്രറി കൗണ്‍സില്‍ സെകട്ടറി റോയി ഫ്രാന്‍സിസ് സമ്മാനിച്ചു. അനിയന്‍ തലയാറ്റും പിള്ളി , നൈന മണ്ണഞ്ചേരി , സുധാ രാജശേഖരന്‍ നായര്‍ എന്നിവര്‍ ലൈബ്രറിക്ക് സമര്‍പ്പിച്ച പുസ്തകങ്ങള്‍ ലൈബ്രേറിയന്‍ എസ് പി രാജ്‌മോഹന്‍ ഏറ്റുവാങ്ങി. പഞ്ചായത്തംഗം ആശാവര്‍മ , MS ഗിരീശന്‍നായര്‍ , VK വിശ്വനാഥന്‍ നായര്‍, NS നീലകണ്ഠന്‍ നായര്‍ , സതീഷ്‌കുമാര്‍ എന്നിവര്‍ സംസാരിച്ചു.