കടപ്പൂര് എസ്എന്‍ഡിപി ശാഖാ ഗുരുദേവക്ഷേത്രത്തില്‍ 47-ാമത് പ്രതിഷ്ഠാ വാര്‍ഷിക മഹോത്സവത്തിന് തുടക്കമായി.

കടപ്പൂര് എസ്എന്‍ഡിപി ശാഖാ ഗുരുദേവക്ഷേത്രത്തില്‍ 47-ാമത് പ്രതിഷ്ഠാ വാര്‍ഷിക  മഹോത്സവത്തിന് തുടക്കമായി. ശനിയാഴ്ച രാവിലെ 10.30നും,11നും മധ്യേയുള്ള ശുഭമുഹൂര്‍ത്തത്തില്‍ ക്ഷേത്രം തന്ത്രി വൈക്കം സനീഷ്  , ക്ഷേത്രം മേല്‍ ശാന്തി രാജേഷ് വൈക്കം എന്നിവരുടെ മുഖ്യകാര്‍മികത്വത്തില്‍  ശാഖാ പ്രസിഡന്റ് ഷാജി അറയ്ക്കല്‍  കൊടിയേറ്റ് കര്‍മ്മം  നിര്‍വഹിച്ചു.  

കലാ -സാംസ്‌കാരിക പരിപാടികളുടെ ഉദ്ഘാടനം എസ്എന്‍ഡിപി മീനച്ചില്‍ യൂണിയന്‍  ചെയര്‍മാന്‍ സുരേഷ് ഇട്ടിക്കുന്നേല്‍ നിര്‍വഹിച്ചു.  സൗമ്യ അനുരുദ്ധന്‍  പ്രഭാഷണം നടത്തി. വൈകിട്ട് ദീപാരാധന, തിരുവാതിരകളി,, നാടന്‍ പാട്ടുകളുടെ ദൃശ്യാവിഷ്‌കാരം എന്നിവ അരങ്ങേറി. ഞായറാഴ്ച ഓട്ടന്‍തുള്ളല്‍, ഗുരുദേവ സര്‍വൈശ്വര്യപൂജ, സ്വയമേവ പുഷ്പാര്‍ച്ചന, കൈകൊട്ടിക്കളി, നാടകം എന്നിവ നടക്കും. സമാപന ദിവസമായ തിങ്കളാഴ്ച ഘോഷയാത്ര മഹാപ്രസാദഊട്ട്, ഇതിഹാസ നൃത്തനാടകം, എന്നിവ നടക്കും. ശാഖാ പ്രസിഡന്റ് ഷാജി അറയ്ക്കല്‍, സെക്രട്ടറി രാമചന്ദ്രന്‍ കാപ്പിലോരം, വൈസ് പ്രസിഡന്റ് വിജയന്‍ കിഴിമുള്ളി എന്നിവര്‍ നേതൃത്വം നല്‍കും.