പി.എച്ച്.സി. മക്കുതറ മുത്തോലി സെന്റ് ജോര്‍ജ് പള്ളി റോഡ് 6 മീറ്റര്‍ വീതിയില്‍ നവീകരിച്ചു

മുത്തോലി പഞ്ചായത്തിലെ പി.എച്ച്.സി. മക്കുതറ മുത്തോലി സെന്റ് ജോര്‍ജ് പള്ളി റോഡ് 6 മീറ്റര്‍ വീതിയില്‍ നവീകരിച്ചു. മുത്തോലി പള്ളി വികാരി ഫാ. കുര്യന്‍ വരിക്കമാക്കലിന്റെ നേതൃത്വത്തില്‍ ഇടവക സമൂഹത്തിന്റെയും ജനപ്രതിനിധികളുടെയും സഹകരണത്തോടെ നടത്തിയ പ്രവര്‍ത്തനങ്ങളിലൂടെയാണ് മൂന്നു മീറ്റര്‍ മാത്രമുണ്ടായിരുന്ന റോഡിന്റെ വീതി മൂന്നു മീറ്ററില്‍ നിന്നും ആറ് മീറ്റര്‍ ആയി ഉയര്‍ത്തിയത്. മുത്തോലി പള്ളി വക സ്ഥലങ്ങളില്‍ 8 മീറ്റര്‍ വീതിയാണുള്ളത്. 

17 സ്ഥല ഉടമകള്‍ സൗജന്യമായി  ഒരേക്കറോളം സ്ഥലം വിട്ടുനല്കിയപ്പോള്‍ കയ്യാലകളും മതിലുകളും തീര്‍ക്കുന്നതിനും റോഡ് വീതിയെടുക്കുന്നതിനുമായി 12 ലക്ഷം രൂപയോളം ഇടവക സമൂഹത്തില്‍നിന്നും സമാഹരിച്ചു . ജില്ലാ പഞ്ചായത്ത് മെമ്പര്‍ ജോസ്മോന്‍ മുണ്ടയ്ക്കല്‍ അനുവദിച്ച 25 ലക്ഷം രൂപ ഉപയോഗിച്ച് 6 മീറ്റര്‍ വീതിയിലാണ് റോഡിന്റെ ടാറിംഗ് നടത്തിയത്. പുനര്‍നിര്‍മ്മിച്ച റോഡിന്റെ ഉദ്ഘാടനം ജില്ലാ പഞ്ചായത്ത് മെമ്പര്‍ ജോസ്മോന്‍ മുണ്ടയ്ക്കല്‍ നിര്‍വ്വഹിച്ചു. യോഗത്തില്‍ മുത്തോലി സെന്റ് ജോര്‍ജ് പള്ളി വികാരി റവ. ഫാ. കുര്യന്‍ വരിക്കമാക്കല്‍ അദ്ധ്യക്ഷത വഹിച്ചു. ഫാ. തോമസ് പുന്നത്താനത്ത്, ഗ്രാമപഞ്ചായത്ത് പ്രസിഡന്റ് റൂബി ജോസ് ബ്ലോക്ക് പഞ്ചായത്ത് മെമ്പര്‍ ഹരിദാസ് അടിമത്തറ, പഞ്ചായത്ത് മെമ്പര്‍ ജാന്‍സി ജോസ് നരിക്കാട്ട്, മുന്‍ പഞ്ചായത്ത് മെമ്പര്‍മാരായ റെജി തലക്കുളം, ജോയി കുന്നപ്പള്ളി, ബാങ്ക് ബോര്‍ഡ് മെമ്പര്‍മാരായ ജേക്കബ് മഠത്തില്‍, ജോസ് നരിക്കാട്ട്, ട്രസ്റ്റിമാരായ റോമി ഞാറ്റുകാലകുന്നേല്‍, ബേബി ഐക്കര, നിര്‍മ്മാണ കമ്മറ്റിയംഗങ്ങളായ ബേബിച്ചന്‍ വാതല്ലൂര്‍, എന്‍.ജെ. പൗലോസ് ഞാറ്റുകാലകുന്നേല്‍, തോമസുകുട്ടി പൊയ്കക്കല്‍,  ജോയി മണ്ഡപത്തില്‍ തുടങ്ങിയവര്‍ പങ്കെടുത്തു.