കേരള സ്റ്റേറ്റ് എക്‌സ് സര്‍വീസസ് ലീഗ് വാര്‍ഷിക ആഘോഷവും, കുടുംബ സംഗമവും

കേരള സ്റ്റേറ്റ് എക്‌സ് സര്‍വീസസ് ലീഗ് കുറവിലങ്ങാട് യൂണിറ്റിന്റെ  22-ാമത് വാര്‍ഷിക ആഘോഷവും, കുടുംബ സംഗമവും നടന്നു.  കുറവിലങ്ങാട് വിമുക്തഭട ഭവന്‍ ഹാളില്‍ നടന്ന വാര്‍ഷികാഘോഷ സമ്മേളനം  റിട്ട സൈനിക വെല്‍ഫെയര്‍ ഓഫീസര്‍, ലെഫ്റ്റനന്റ് കേണല്‍  റീത്താമ്മ വി.ജെ ഉദ്ഘാടനം ചെയ്തു. 

പ്രസിഡന്റ് റ്റി.സി ജോര്‍ജ് അധ്യക്ഷത വഹിച്ചു.KSESL കോട്ടയം ജില്ലാ പ്രസിഡന്റ് അഡ്വക്കേറ്റ് വി.റ്റി ചാക്കോ മുഖ്യപ്രഭാഷണം നടത്തി. ഓര്‍ഗനൈസിംഗ് സെക്രട്ടറി കെ.എസ് ഷാജി, വൈസ് പ്രസിഡന്റ് പി.എസ് പ്രസന്നന്‍, കെ.ആര്‍ അജിത് കുമാര്‍, ട്രഷറര്‍ ടി.എ മാത്യു  ക്യാപ്റ്റന്‍ ടി.ജെ നോബര്‍ട്ട്,വി.ജെ ജോസ് കുട്ടി, എ.ജെ ചെറിയാന്‍, കെ.റ്റി രാംകുമാര്‍, ഇന്ദിര ജെ നായര്‍, സെബാസ്റ്റ്യന്‍ മാത്യു തുടങ്ങിയവര്‍ പ്രസംഗിച്ചു. ഏഷ്യന്‍ മാസ്റ്റേഴ്‌സ് അത്ലറ്റിക് മീറ്റില്‍ ഡിസ്‌കസ് ത്രോയില്‍ സ്വര്‍ണ്ണ മെഡല്‍ കരസ്ഥമാക്കിയ നായക് സുബൈദാര്‍ ജോയി ജോസഫിനെ സമ്മേളനത്തില്‍ ആദരിച്ചു.