മുണ്ടുപാലം ഭാഗത്ത റോഡിന്റെ വശങ്ങളില്‍ മാലിന്യം തള്ളുന്നത് ജനങ്ങള്‍ക്ക് ദുരിതമാകുന്നു.

പാലാ ഉഴവൂര്‍ റോഡില്‍ മുണ്ടുപാലം ഭാഗത്ത  റോഡിന്റെ  വശങ്ങളില്‍ മാലിന്യം തള്ളുന്നത് ജനങ്ങള്‍ക്ക് ദുരിതമാകുന്നു. കടകളില്‍ നിന്നുള്ളതും കാറ്ററിങ് കേന്ദ്രങ്ങളില്‍ നിന്നും വീടുകളില്‍ നിന്നുമുളള   മാലിന്യങ്ങളാണ് ചാക്കില്‍ കെട്ടി റോഡരികിലെ പുരയിടങ്ങളില്‍  തള്ളിയിരിക്കുന്നത്.   

ഈ ഭാഗം വിജനമായി കിടക്കുന്നത്  മാലിന്യം തള്ളുന്നവര്‍ക്ക് സൗകര്യമായി മാറുകയാണ്. പാലാ നഗരസഭയുടെ ഒന്നാം വാര്‍ഡില്‍പെട്ട ഭാഗങ്ങളിലാണ് മാലിന്യങ്ങള്‍ കൂടിക്കിടക്കുന്നത്.  ഈ ഭാഗത്ത് രാത്രികാലങ്ങളില്‍ കക്കൂസ് മാലിന്യം അടക്കമുള്ളവ തള്ളുന്നതും പതിവാണെന്നും നാട്ടുകാര്‍ പറയുന്നു . മാലിന്യം തള്ളുന്നവര്‍ക്കെതിരെ അധികൃതര്‍ കര്‍ശന നടപടിയെടുക്കണമെന്ന ആവശ്യം ശക്തമാവുകയാണ്.