പാലാ മരിയാ സദനത്തില്‍ മെഗാ നേത്രപരിശോധനാ ക്യാമ്പും സൗജന്യ കണ്ണട വിതരണവും നടത്തി

ലയണ്‍സ് ക്ലബ്ബ് പാലാ സെന്‍ട്രലിന്റെ നേതൃത്വത്തില്‍ പാലാ മരിയാ സദനത്തില്‍ മെഗാ നേത്രപരിശോധനാ ക്യാമ്പും സൗജന്യ കണ്ണട വിതരണവും നടത്തി. അമിതാ ഐ കെയര്‍ തിരുവല്ലയുടെ സഹകരണത്തോടെയാണ് സൗജന്യ നേത്ര പരിശോധന ക്യാമ്പ് സംഘടിപ്പിച്ചത്. പരിപാടിയുടെ ഉദ്ഘാടനം നഗരസഭാ ചെയര്‍പെഴ്‌സണ്‍ ദിയാ ബിനു പുളിക്കക്കണ്ടം നിര്‍വഹിച്ചു. 

മരിയാ സദനം ഗവേണിംഗ് ബോഡി മെമ്പര്‍ പ്രൊഫ. ടോമി ചെറിയാന്‍ അദ്ധ്യക്ഷനായിരുന്നു. ലയണ്‍സ് ജില്ലാ ചീഫ് പ്രോജക്ട് കോ-ഓര്‍ഡിനേറ്റര്‍ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി. വാര്‍ഡ് മെമ്പര്‍ ജിജി ബൈജു കൊല്ലംപറമ്പില്‍,ക്ലബ്ബ് പ്രസിഡന്റ് ഡോ.വി.എ ജോസ്, സോണ്‍ ചെയര്‍മാന്‍ അനില്‍ തീര്‍ത്ഥം, ക്ലബ്ബ് ട്രഷറര്‍ ജോമോന്‍ ആപ്പശേരി, ഡോ.ആന്റണി ജോസഫ്, സോജന്‍ കല്ലറയ്ക്കല്‍ തുടങ്ങിയവര്‍ പ്രസംഗിച്ചു. നാനൂറോളം പേരുടെ കണ്ണു പരിശോധിയ്ക്കുകയും ആവശ്യമായവര്‍ക്കെല്ലാം കണ്ണട സൗജന്യമായി നല്‍കുകയും, ആവശ്യമുള്ളര്‍ക്ക്  തിമിര ശസ്ത്രക്രിയ  ചെയ്തു കൊടുക്കുകയും ചെയ്തു.