മനുഷ്യന്‍ അതിവേഗം മാറിക്കൊണ്ടിരിക്കുകയാണെന്നും നൂറ്റാണ്ടിന്റെ അവസാനം എന്തായിത്തീരുമെന്ന് പ്രവചിക്കാനാവില്ലെന്നും വി.പി.ജോയ്

ഇരുപത്തിയൊന്നാം നൂറ്റാണ്ടില്‍ മനുഷ്യന്‍ അതിവേഗം മാറിക്കൊണ്ടിരിക്കുകയാണെന്നും നൂറ്റാണ്ടിന്റെ അവസാനം എന്തായിത്തീരുമെന്ന് പ്രവചിക്കാനാവില്ലെന്നും മുന്‍ ചീഫ് സെക്രട്ടറിയും കവിയുമായ വി.പി.ജോയ് ഐ.എ.എസ് പറഞ്ഞു .പാലാ സഫലം 55 പ്‌ളസ് സംഘടിപ്പിക്കുന്ന പ്രഭാഷണ പരമ്പരയുടെ ഭാഗമായി ഇരുപത്തിയൊന്നാം നൂറ്റാണ്ടിലെ മനുഷ്യന്‍ എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം . 

അറിവു നേടിയാല്‍ മാത്രം പോര ജ്ഞാനവും ഉണ്ടാകണമെന്നും  സമൂഹം നന്നാകാനുള്ള ഉപകരണമാണ് വിദ്യാഭ്യാസമെന്നും അദ്ദേഹം കൂട്ടിച്ചേര്‍ത്തു.രവി പാലാ അദ്ധ്യക്ഷനായിരുന്നു. വി.എം.അബ്ദുള്ളാഖാന്‍, രവി പുലിയന്നൂര്‍, പി.എസ്.മധുസൂദനന്‍, എന്നിവര്‍ പ്രസംഗിച്ചു. തുടര്‍ന്ന് നടന്ന ചര്‍ച്ചയില്‍ ജോസ് തെങ്ങുംപള്ളി, ജോഷി പോള്‍, ടോം നെല്‍സണ്‍, മാത്യു മണ്ണാറക്കയം, സജീവ് തുടങ്ങിയവര്‍ പങ്കെടുത്തു.