രാമപുരം മാര്‍ ആഗസ്തീനോസ് കോളേജിന് മിനിസ്റ്റേഴ്സ് എക്‌സലന്‍സ് അവാര്‍ഡ് ലഭിച്ചു. ഉന്നത വിദ്യാഭ്യാസവകുപ്പിന്റെ കീഴില്‍ പ്രവര്‍ത്തിക്കുന്ന കോളേജുകളില്‍ ദേശീയ തലത്തില്‍ ഉയര്‍ന്ന നിലവാരം പുലര്‍ത്തുന്ന കോളേജുകള്‍ക്ക് ഏര്‍പ്പെടുത്തിയ 'മിനിസ്റ്റേഴ്സ് എക്‌സലന്‍സ് അവാര്‍ഡാണ്' രാമപുരം മാര്‍ ആഗസ്തിനോസ് കോളേജിന് ലഭിച്ചത്.
നാക് അക്രഡിറ്റേഷന്റെ ആദ്യ സൈക്കിളില്‍ തന്നെ 3.13 പോയിന്റോടുകൂടി 'എ' ഗ്രേഡ് നേടിയതിനാണ് ഈ അംഗീകാരം. സ്റ്റേറ്റ് ലെവല്‍ ക്വാളിറ്റി അഷ്യൂറന്‍സ് സെല്‍ സംഘടിപ്പിച്ച 'എക്‌സലന്‍ഷ്യ 2025' എന്ന ചടങ്ങിന്റെ ഭാഗമായാണ് ഈ അവാര്‍ഡ് നല്‍കിയത്.
തിരുവനന്തപുരം ടാഗോര്‍ തിയേറ്ററില്‍ നടന്ന ചടങ്ങില്‍ ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍. ബിന്ദുവില്‍ നിന്ന് പ്രിന്‍സിപ്പാള്‍ ഡോ. റെജി വര്‍ഗീസ് മേക്കാടന്‍, ഐ.ക്യൂ.എ.സി. കോ-ഓര്‍ഡിനേറ്റര്‍ കിഷോര്‍, സുനില്‍ കെ ജോസഫ്, നാക് കോഡിനേറ്റര്‍ ജിബി ജോണ്‍ മാത്യു എന്നിവര്‍ ചേര്‍ന്ന് പുരസ്‌കാരം ഏറ്റുവാങ്ങി.
0 Comments