കേരള കോണ്‍ഗ്രസ് വിജയോത്സവം സംഘടിപ്പിച്ചു.

കേരള കോണ്‍ഗ്രസ് പാലാ നിയോജക മണ്ഡലം കമ്മറ്റിയുടെ ആഭിമുഖ്യത്തില്‍ വിജയോത്സവം സംഘടിപ്പിച്ചു. തദ്ദേശ തെരഞ്ഞെടുപ്പില്‍ ജനപ്രതിനിധികളായി വിജയിച്ച  കേരള കോണ്‍ഗ്രസ് അംഗങ്ങളെ ആദരിച്ചു കൊണ്ടാണ് വിജയോത്സവം നടന്നത്. ജില്ലാ ബ്ലോക്ക് ഗ്രാമപഞ്ചായത്തംഗങ്ങളായ 27 പേര്‍ക്ക് സ്വീകരണം നല്‍കി. 

കേരള കോണ്‍ഗ്രസ് വൈസ് ചെയര്‍മാനായി നിയമിതനായ കുര്യക്കോസ് പടവനെ ചടങ്ങില്‍ ആദരിച്ചു. ജില്ലാ പഞ്ചായത്ത്  കുറവിലങ്ങാട്  ഡിവിഷനില്‍ നിന്നും വിജയിച്ച ജോസ് മോന്‍  മുണ്ടയ്ക്കലിനെയും ചടങ്ങില്‍ ആദരിച്ചു. നിയോജകമണ്ഡലം കമ്മറ്റി ഓഫീസില്‍ നടന്ന സമ്മേളനം കേരള കോണ്‍ഗ്രസ് വര്‍ക്കിംഗ് ചെയര്‍മാന്‍ PC തോമസ് Ex.MP   ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് ജോര്‍ജ് പുളിങ്കാട് അധ്യക്ഷനായിരുന്നു. ഫ്രാന്‍സിസ് ജോര്‍ജ് MP മുഖ്യപ്രഭാഷണം നടത്തി. മോന്‍സ് ജോസഫ് MLA , ജനപ്രതിനിധികളെ അനുമോദിച്ചു . ജോയി എബ്രഹാം,  അപു ജോണ്‍ ജോസഫ്, ജയ്‌സണ്‍ ജോസഫ്, സന്തോഷ് കാവുകാട്ട്, തോമസ് ഉഴുന്നാലില്‍, ജയിംസ് തെക്കേല്‍ , ജോസഫ് കണ്ടത്തില്‍, ഷിബു പൂവേലി, ജോബി കുറ്റിക്കാട്ട് തുടങ്ങിയവര്‍ പ്രസംഗിച്ചു.