ഇന്റര്‍ കോളേജിയേറ്റ് മത്സരങ്ങളും ഡയാലിസിസ് കിറ്റ് വിതരണവും നടന്നു

പാലാ സെന്റ് തോമസ്  കോളേജ് നാഷണല്‍ സര്‍വീസ് സ്‌കീമിന്റെയും കോട്ടയം ലയണ്‍സ് ക്ലബ്ബിന്റെയും നേതൃത്വത്തില്‍ ഇന്റര്‍ കോളേജിയേറ്റ് മത്സരങ്ങളും ഡയാലിസിസ് കിറ്റ് വിതരണവും നടന്നു. കോളേജ് പ്രിന്‍സിപ്പല്‍  ഡോ  സിബി ജെയിംസ് അധ്യക്ഷത വഹിച്ചു. നാഷണല്‍ സര്‍വീസ് സ്‌കീം റീജിയണല്‍ ഡയറക്ടര്‍ ഡോ. വൈ.എം. ഉപ്പിന്‍ ഉദ്ഘാടനം ചെയ്തു.

 മഹാത്മാഗാന്ധി യൂണിവേഴ്‌സിറ്റി എന്‍എസ്എസ് പ്രോഗ്രാം കോഡിനേറ്റര്‍ ഡോ. ഇ.എന്‍. ശിവദാസന്‍ ഇന്റര്‍ കോളേജ് മത്സര വിജയികള്‍ക്കുള്ള സമ്മാനങ്ങള്‍ വിതരണം ചെയ്തു.  40 പേര്‍ക്ക് ഡയാലിസിസ് കിറ്റുകള്‍ നല്‍കി. നിഷ ജോസ് കെ മാണി വിതരണം നിര്‍വഹിച്ചു. ലയണ്‍സ് ക്ലബ് മുന്‍ ഗവര്‍ണര്‍  പ്രിന്‍സ് സ്‌കറിയ, ലയണ്‍സ് ക്ലബ് ചീഫ് പ്രോജക്ട് കോര്‍ഡിനേറ്റര്‍ സിബി മാത്യു പ്ലാത്തോട്ടം, കോട്ടയം ലയണ്‍സ്  ക്ലബ് പ്രസിഡന്റ്  ധന്യ ഗിരീഷ്, എന്‍എസ്എസ് പ്രോഗ്രാം ഓഫീസര്‍മാരായ ഡോക്ടര്‍ പ്രിന്‍സി ഫിലിപ്പ്, ഡോക്ടര്‍ ആന്റോ മാത്യു എന്നിവര്‍ സംസാരിച്ചു.